{"product_id":"gumnaam-karnvanshi-kshatriya-गुमनाम-कर्णवंशी-क्षत्रिय","title":"Gumnaam Karnvanshi Kshatriya | गुमनाम कर्णवंशी क्षत्रिय","description":"\u003cp\u003e\u003cstrong\u003eAbout the Book\u003c\/strong\u003e\u003c\/p\u003e\n\u003cp\u003eBhartiya Sabhyata ka itihaas atyant prachin, vyapak aur vividhtapurn hai. is itihaas mein anek rajvanshon, kshatriya kulon tatha samajik paramparaon ka mahatvapurn yogdaan raha hai. samay ke saath anek aitihasik tathyon, lokparampraon, vanshavliyon aur kshetriya manyataon ne vibhinn samajon ki pehchan ko aakaar diya. karnvanshi kshatriya rajput samaj bhi aisi hi ek aitihasik evam sanskritik parampara ka pratinidhitva karta hai, jiske sambandh mein anek mat, manyatayen aur shodh uplabdh han. inhin vishayon ke adhyan, sanrakshan aur prasar ke uddeshya se yah \" gumnaam karnvanshi kshatriya\" The Heero of Archary naam se pustak likhi gai hai. is pustak ko likhne ka uddeshya gumnaam samaj ke itihas, vansh parampra, sanskritik virasat, mahapurushon, aitihasik ghatnaon, lokshrutiyon tatha uplabdh sahitya ko ek sthan par sankalit kar pathakon ke samaksh vichararth prastut karna hai. saath hi, yah manch shodhkartaon, vidyarthiyon aur samaj ke jagruk sadasyon ke liye samvad aur adhyayan ka madhyam banne ka prayas karta hai. itihas ek satat shodh ka vishay hai. nai khojon, abhilekhon, puratatvik pramanon aur pramanik sroton ke aadhar par samay-samay par itihaas ki vyakhyaen parishkrit hoti rehti han. isliye is pustak mein prastut samagri ka uddeshya kisi vivad ko badhava dena nahin, balki uplabdh sroton aur paramparaon ke aadhar par vishay ka adhyayan aur vimarsh karna hai. jahan vibhinn mat uplabdh han, wahan unhen yathasambhav nishpaksh drishti se prastut karne ka prayas kiya gaya hai. yah pustak keval ateet ka varnan nahin, balki vartmaan pidhi ko apni sanskritik jadon se jodne ka ek vinamra prayas hai. yadi iske madhyam se pathakon mein itihaas ke prati jigyasa badhe, samaj ki gauravshali paramparaon ke sanrakshan ki bhavna viksit ho tatha naye shodh ko protsahan mile, to yah prayas sarthak mana jaega. sabhi pathakon, shodhkartaon aur vidwanon se apeksha hai ki ve tathyaparak sujhav, pramanik srot tatha rachnatmak vichar sajha karen, taki aadhyatmik evam aitihasik drishti se samaj nirantar adhik upyogi, vishvasniya aur samriddh banta rahe.\u003c\/p\u003e\n\u003cp\u003e\u003cstrong\u003eAbout the Author \u003c\/strong\u003e\u003c\/p\u003e\n\u003cp\u003eMera naam satendra singh karn evam mata shushri munni devi va pujya pita shri sv.ramgopal karn ji hai main ek chhote se gaon lavan pura ka rahane wala hoon jo ki gwalior zile mein aata hai bachapan se hi maa se grihasth jeevan ka gyan va pita se aadhyatmik shiksha grahan karne ka saubhagya mila maa ne sadaiv mujhe apni maryada aur seemaon ka bhan karaya aur pita ne udne ke liye khule asaman ki or ishara kiya aur isi maryada aur seemaon mein rahkar mere vicharon ne oonche aasmanon ki sair ki aur is chhote se jeevan mein bahut kuch seekha halanki pita shri is duniyan mein ab nahin rahe kintu unke aadarsh aaj bhi adhyatm ke kshetra mein mera marg prashast karte hai aur meri maa ki dua mujhe suraksha pradan karti hai pitashri ki chita ki lapate dekh kar aisa lag raha tha ki mano varshon se sanchit ki hui pustakon ka vishal pustakalaya dhu-dhu kar jal raha ho aur mein shunya ho gaya hun aaj ki generation ki yahi samasya hai ki woh apne mata pita se door rahte hai unke paas baithkar vicharon ka aadaan pradan nahin karte jis karan hum apne ateet ko nahin samajh paate jo ki generation gap ka karan banta hai mere jeevan ka wazud mere mata – pita ji ke aadarshon par aadharit hai aur ishwar se prarthana karta hoon yadi mujhe punah manushya jeevan mile to yahi divya aatmayen mere mata – Pita bane\u003c\/p\u003e","brand":"Classic Shelf","offers":[{"title":"Default Title","offer_id":50376239907053,"sku":null,"price":170.0,"currency_code":"INR","in_stock":true}],"thumbnail_url":"\/\/cdn.shopify.com\/s\/files\/1\/0765\/3520\/2029\/files\/1shopifyfrontcover_b419ee55-9ca5-4fdb-adaf-0f7a27e4d8b1.jpg?v=1785582902","url":"https:\/\/classicshelf.in\/products\/gumnaam-karnvanshi-kshatriya-%e0%a4%97%e0%a5%81%e0%a4%ae%e0%a4%a8%e0%a4%be%e0%a4%ae-%e0%a4%95%e0%a4%b0%e0%a5%8d%e0%a4%a3%e0%a4%b5%e0%a4%82%e0%a4%b6%e0%a5%80-%e0%a4%95%e0%a5%8d%e0%a4%b7%e0%a4%a4%e0%a5%8d%e0%a4%b0%e0%a4%bf%e0%a4%af","provider":"Classic Shelf","version":"1.0","type":"link"}